Maxfiylik siyosati

"Maqsad OTM" mobil ilovasi va sayti · Kuchga kirgan sana: 26.10.2026 (yangilangan)

Ushbu siyosat YaTT Turdaliyev Yodgorbek Sherali o'g'li (STIR 585468744, keyingi o'rinlarda — "biz") tomonidan "Maqsad OTM" ilovasi foydalanuvchilarining ma'lumotlari qanday yig'ilishi, ishlatilishi va himoya qilinishini tushuntiradi.

1. Qanday ma'lumotlarni yig'amiz

1. Hisob ma'lumotlari: telefon raqami va/yoki email manzil (kirish va siz bilan bog'lanish uchun).
2. Profil: ism va familiya, viloyat, sinf yoki holat, tanlangan ikki asosiy fan.
3. Test ma'lumotlari: berilgan javoblar, ballar, natijalar va reytingdagi o'rin.
4. Murojaatlar: "Savolda xato bormi?" orqali yuborilgan xabarlar.
5. To'lov: buyurtma raqami, summa va holati. Bank karta ma'lumotlari bizga kelmaydi — ular faqat Payme yoki Click tizimida qayta ishlanadi.

Biz joylashuv, kontaktlar, kamera, mikrofon yoki qurilmadagi fayllarga kirmaymiz. Ilovada reklama va reklama kuzatuvchilari yo'q.

2. Ma'lumotlardan foydalanish

1. Kirish kodini yuborish va hisobni himoya qilish.
2. Testni sizning fanlaringizga moslab tuzish, ballni hisoblash va natijalarni ko'rsatish.
3. Reyting tuzish. Reytingda ismingiz qisqartirilgan holda (masalan, "Madina A.") va viloyatingiz ko'rsatiladi; telefon va email boshqalarga ko'rinmaydi.
4. Obunani faollashtirish va to'lovlarni hisobga olish.
5. Savollardagi xatolarni tuzatish va xizmatni yaxshilash.

3. Ma'lumotlarni kim qayta ishlaydi

Ma'lumotlar sotilmaydi va reklama uchun berilmaydi. Xizmatni ko'rsatish uchun quyidagi texnik hamkorlardan foydalanamiz:

1. Supabase — ma'lumotlar bazasi va kirish tizimi (serverlar Yevropada).
2. Brevo — kirish kodlarini email orqali yuborish.
3. Telegram Gateway — telefon orqali kirishda kodni Telegram'ingizga yuborish (faqat telefon raqamingiz uzatiladi).
4. Payme, Click — to'lovlarni qabul qilish (faqat to'lov qilganingizda).

Qonunda nazarda tutilgan hollarda ma'lumotlar vakolatli davlat organlariga berilishi mumkin.

4. Himoya

Ma'lumotlar shifrlangan aloqa (HTTPS) orqali uzatiladi. Har bir foydalanuvchi faqat o'z ma'lumotlarini ko'ra oladi; test javoblari serverda tekshiriladi.

5. Saqlash muddati va o'chirish

1. Ma'lumotlar hisobingiz mavjud bo'lgan davrda saqlanadi.
2. Hisobni istalgan vaqtda o'chirishingiz mumkin: ilovada Profil → Hisobni o'chirish. Profil, natijalar va obuna darhol butunlay o'chiriladi.
3. Ilovaga kira olmasangiz, bu yerda ko'rsatilgan tartibda murojaat qiling.
4. To'lov yozuvlari (summa, sana) buxgalteriya va soliq talablari uchun qonunda belgilangan muddat davomida shaxsingizga bog'lanmagan holda saqlanadi.

6. Yosh

Ilova oliy ta'limga tayyorlanayotgan yuqori sinf o'quvchilari va abituriyentlar uchun mo'ljallangan. 13 yoshgacha bo'lgan bolalar uchun mo'ljallanmagan.

7. Huquqlaringiz

"Shaxsga doir ma'lumotlar to'g'risida"gi O'zbekiston Respublikasi Qonuniga muvofiq siz ma'lumotlaringiz haqida bilish, ularni tuzatish va o'chirishni talab qilish huquqiga egasiz.

8. O'zgarishlar va aloqa

Siyosat o'zgarsa, yangi tahrir shu sahifada e'lon qilinadi.